काठमाडौं । आईएमई लाइफका प्रमुख कार्यकारी अधिकृत (सीईओ) कवि फुयाँलको पुनर्नियुक्ति नै बदर गरिएको छ । केही दिनअघि मात्रै अर्को कार्यकालका लागि उनलाई नियुक्ति गरिएको जानकारी कम्पनले सार्वजनिक गरेको थियो ।
.gif)
तर आज (आइतबार) भने फुँयालले पुनर्नियुक्ति नै नपाएको ढंगले कम्पनीले उनको चार बर्षे पदावधि सक्किएको व्यहोराको पत्र नेपाल बीमा प्राधिकरणलाई पठाएको छ । उनको पुनर्नियुक्ति शुक्रबार (भदौ ७)देखि सुरु भएकोमा सोही दिनदेखि उनले कम्पनी छोडेका हुन् । फुँयालले राजीनामा पत्र बुझाए पनि पत्र थन्क्याएर सञ्चालक समितिले पुनर्नियुक्ति नै नभएको जानकारी प्राधिकरणलाई दिएको हो ।
स्रोतका अनुसार फुँयालको पुनर्नियुक्तिसँगै कम्पनी सञ्चालक समितिले दुई जना डेपुटी सीईओ नियुक्ति गरेको र त्यसमा फुँयालको असन्तुष्टि भएपछि राजीनामा दिएर परिवारसहित घुम्न गएको हुनसक्ने अडकल गरिएको छ । यता प्राधिकरण स्रोतले भने आईएमई लाइफको विवादबारे चाल नपाएको तर्क गरेको छ । प्राधिकरण स्रोतले अहिलेसम्म उक्त कम्पनीको सीईओ नियुक्तिबारे कुनै जानकारी नआएको दावी गर्यो ।
