काठमाडौं । लगातारको आठ दिनको वृद्धिपछि सेयर बजारमा दोहोरो अंकको गिरावट आएको छ ।साताको कारोबारको पहिलो दिन आइतबार सेयर बजार सूचक नेपाल स्टक एक्सचेञ्ज (नेप्से) २३.९३ अंकले घटेर १९५८.७१ बिन्दुमा रोकिएको छ ।
.gif)
कारोबारको सुरुवाती समयमा नेप्से बढ्दै ३०१३.१७ बिन्दुसम्म पुगेपनि त्यसपछि भने घट्न सुरु गरेको थियो । यसअघिका आठ कारोबार दिन भने नेप्से लगातार बढेको थियो ।आठ दिनको लगातारको वृद्धिपछि आइतबार भने नेप्सेमा दोहोरो अंकको गिरावट आएको हो ।
सूचक घटेपनि कारोबार रकम भने बढेको छ । आइतबार नेप्सेमा कुल २६ अर्ब ५७ करोड रुपैयाँ बराबरको कारोबार भएको छ ।अघिल्लो कारोबार दिन अर्थात् गत साताको बिहीबार भने नेप्सेमा १८ अर्ब १३ करोड रुपैयाँ बराबरको कारोबार भएको थियो ।आइतबार कारोबारमा आएकामध्ये १८६ कम्पनीको सेयर मूल्य बढ्दा ६३ कम्पनीको घटेको छ ।
