बजारमा सुकेको प्याजको मूल्य घटेको छ।कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।शुक्रबार कालीमाटी तरकारी बजारमा सुकेको प्याज प्रतिकिलो थोक मूल्य न्यूनतम ४५ देखि अधिकतम ४७ रूपैयाँमा कारोबार भएको छ।एक साताअघिको तुलनामा यो प्रतिकिलो दुईदेखि तीन रूपैयाँ न्यून हो।गत शुक्रबार कालीमाटी तरकारी बजारमा सुकेको प्याज प्रतिकिलो थोक मूल्य न्यूनतम ४७ देखि अधिकतम ५० रूपैयाँमा कारोबार भएको थियो।
आपूर्तिको आधारमा मूल्य घटबढ हुन्छ। अहिले बजारमा भारतीय र नेपाली दुवै प्याज आइरहेको छ।व्यवसायीहरूका अनुसार प्याजको मूल्य थोरै मात्रामा मात्र घटबढ हुन्छ।अन्य तरकारी वा फलफूलको जस्तो धेरै मूल्यको अन्तर हुँदैन।
