काठमाडौँः सोमबारका लागि तय भएको मन्त्रिपरिषद्को बैठक स्थगित भएको छ । सोमबारको मन्त्रिपरिषद्को बैठकले राष्ट्रबैंकको गभर्नर नियुक्ति गर्ने सम्भावना रहेको भए पनि बैठक सुरु हुन नपाउँदै स्थगित भएको छ ।
.gif)
प्रधानमन्त्री केपी शर्मा ओलीले मंगलबार साँझ पख ६ बजे लागि बोलाएको मन्त्रिपरिषद्को बैठक स्थगित भएको प्रधानमन्त्री निकट स्रोतले जनाएको छ । बैठक स्थगनको कारण भने खुलाइएका छैन ।
तथापि गभर्नर नियुक्तिको विवाद चुलिएको कारण मन्त्रिपरिषद्को बैठक नै स्थगित भएको हुन सक्ने एक नेताले आर्थिक भ्वाइसलाइ जानकारी दिएका छन् ।
मन्त्रिपरिषद् बैठक स्थगन गरेर प्रधानमन्त्री केपी शर्मा ओली र सत्ता साझेदार दल नेपाली कांग्रेसका सभापति शेरबहादुर देउवाबिच भेटवार्ता हुने भएको छ । नेपाल राष्ट्र बैंकको गभर्नरको नाममा सहमति जुटाउन ओली र देउवाको भेटवार्ता हुन लागेको स्रोतको जानकारी छ ।
