काठमाडौं । चालु वर्षमा अनएसम्बल (फिट नगरिएको) मोटर साइकलको आयात उल्लेख्य बढेको छ।
.gif)
भन्सार विभागको तथ्यांक अनुसार चालु वर्षको ८ महिनामा परिमाणात्मक रूपमा ८८.९३ प्रतिशतले र आयात मूल्यका हिसाबले ८७.१५ प्रतिशतले आयात बढेको छ।यसरी आयात बढ्दा भन्सार विन्दुमा उठ्ने अनएसेम्बल मोटरसाइकलको राजस्व ८९.५३ प्रतिशतले बढेको छ।
२०८१ साउनदेखि फागुनसम्मको अवधिमा १० अर्ब ७८ करोड लागतका ८३ हजार ९२७ वटा अनएसेम्बल मोटरसाइकल आयात भएको छ।गत वर्ष यसै समयमा ५ अर्ब ७६ करोड लागतका ४४ हजार ४२७ वटा यस्ता मोटरसाइकलको आयात भएको थियो।यी मोटरसाइलको आयातबाट भन्सार विन्दुमा १० अर्ब ५ करोड रूपैयाँ राजस्व उठेको छ। गत वर्ष ५ अर्ब ३० करोड उठेको थियो।
