काठमाडौं । चालू आर्थिक वर्षको पहिलो छ महिनामा नेपालका चार लघु निर्जीवन बीमा कम्पनीहरूले ४२ करोड रुपैयाँभन्दा बढीको बीमा शुल्क संकलन गर्न सफल भएका छन्।
.gif)
नेपाल बीमा प्राधिकरणले आज सार्वजनिक गरेको तथ्यांक अनुसार, साउनदेखि पुस मसान्तसम्मको अवधिमा यी कम्पनीहरूले कुल ४२ करोड २९ लाख रुपैयाँ बीमाशुल्क संकलन गरेका छन्।
यस अवधिमा नेपाल माइक्रो इन्स्योरेन्स कम्पनीले १२ करोड ४१ लाख रुपैयाँको बीमाशुल्क संकलन गरेको छ भने दोस्रो स्थानमा रहेको प्रोटेक्टिभ माइक्रो इन्स्योरेन्सले १० करोड ३७ लाख रुपैयाँ संकलन गरेको छ ।
साथै, स्टार माइक्रोले ९ करोड ८२ लाख रुपैयाँ आर्जन गरेको छ । ट्रस्ट माइक्रो लाइफले पनि ९ करोड ६८ लाख रुपैयाँ बराबरको कुल बीमाशुल्क आर्जन गर्न सफल भएको छ। ४ लघु निर्जीवन बीमकले १ लाख ६८ हजार ४७१ वटा बीमालेख जारी गर्दै ४२ करोड २९ लाख रुपैयाँ कुल बीमाशुल्क आर्जन गरेका हुन्।
