काठमाडौं । नेपाल क्यान्सर अस्पताल तथा अनुसन्धान केन्द्र लिमिटेडले क्यान्सर उपचार सेवाको दायरा विस्तार गर्दै १ माघ २०८१ देखि धनगढीमा क्यान्सर केयर क्लिनिक सञ्चालनमा ल्याएको छ ।
.gif)
यस क्लिनिकको स्थापना क्यान्सर रोगीहरूको उचित हेरचाह सुनिश्चित गर्न र क्यान्सर उपचार सेवाको पहुँचलाई देशव्यापी बनाउनका लागि गरिएको हो। धनगढी र आसपासका क्षेत्रमा बसोबास गर्ने क्यान्सरका बिरामीहरूले अब उपचार र डाक्टरहरूको परामर्शका लागि काठमाडौं आउनुपर्ने बाध्यता हटेर, धनगढीमै सहज सेवा प्राप्त गर्न सक्नेछन् ।
धनगढी-१, हस्पिटल लाइनमा अवस्थित यो क्लिनिकले परामर्श, उपचार र फलोअप सेवाहरू प्रदान गर्नेछ ।
