काठमाडौं- आशा लघुवित्त वित्तीय संस्थाको पौने ३ लाख बढी कित्ता शेयर बिक्रीमा राखिएको छ।
.gif)
संस्थाको संस्थापक समूहको २ लाख ७५ हजार ९२७ कित्ता शेयर बिक्रीमा राखिएको हो। यो शेयरका हाललाई संस्थापक शेयरधनीहरुले मात्रै खरिद आवेदन दिन पाउनेछन्।
शेयर खरिदका लागि निवेदन दिन ३५ दिनको म्याद दिइएको छ। यो समयावधिभित्र संस्थापक शेयरधनीहरुले काभ्रेको साँगास्थित संस्थाको केन्द्रीय कार्यालयमा निवेदन दिन सक्नेछन्।
तोकिएको अवधिभित्र संस्थापक शेयरधनीहरुबाट शेयर खरिदका लागि निवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने संस्थाले जनाएको छ।
