काठमाडौं । सयपत्री हाइड्रोपावर लिमिटेडले शत प्रतिशत अर्थात १ः१ अनुपातमा हकप्रद शेयर निष्कासन गर्ने भएको छ । कम्पनीको मंसिर २ गते बसेको सञ्चालक समितिको बैठकले हाल कायम चुक्ता पूँजीको १ः१ अर्थात् एक शेयर बराबर एक शेयर अनुपातमा हकप्रद निष्कासन गर्ने निर्णय गरेको हो ।
.gif)
साथै बैठकले उक्त निर्णय स्वीकृतिका लागि विद्युत नियमन आयोग समक्ष पेश गर्ने पनि जनाएको छ । आयोगबाट स्वीकृति प्राप्त भएपछि कम्पनीको आगामी आठौं वार्षिक साधारणसभामा प्रस्ताव पेश गरिने कम्पनीले नेप्से मार्फत जानकारी दिएको छ ।
हकप्रद शेयर निष्कासनपछि प्राप्त हुने रकम कम्पनीको ऋण तथा दायित्व भुक्तानीगर्न र दरम खोला ‘ए’ जलविद्युत आयोजनाको मर्मत सुधारका लागि उपयोग गरिने कम्पनीले जनाएको छ ।
हाल कम्पनीको चुक्ता पूँजी रू. ३० करोड रहेको छ । शत प्रतिशत हकप्रद शेयर निष्कासन पछि पूँजी रू६० करोड पुग्नेछ ।
