बीवाइडीको ह्याचव्याक कार सिगल नेपाल आउने भएको छ । बीवाइडीको नेपालका लागि आधिकारिक विक्रेता साइमेस इंक प्रालिले सिगल नेपालमा ल्याउन लागेको हो । कम्पनीले सन् २०२५ को सुरुवातबाट नै बिक्री गर्ने भएको हो ।
.gif)
कम्पनीको यो सबैभन्दा सानो र सस्तो ह्याचव्याक कार हो । साइमेस इंकले परिक्षण गर्नका लागि पठाएको एक युनिट सिगल भन्सार नाकामा आइपुगिसकेको छ । कम्पनीले आफ्नो इन्ट्री लेभल मोडल नेपाल ल्याउन लागेको हो । त्यसको टेष्ट लगायतका प्रक्रिया पुरा गरेर कम्पनीले नेपालमा यसको बिक्री सुरु गर्नेछ ।
बीवाइडीले चीनमा पहिलो पटक सिगल अपग्रेड गरेको थियो । अपडेट पश्चात उक्त कार नेपालमा ल्याइने भएको हो । सिगल ह्याचव्याक कार ३०.०८ र ३८.८८ किलोवाट आवरको ब्याट्रीका साथ पाइनेछ । सिगल बीवाइडीको ई–प्लेटफर्म ३.० मा बनेको हो । यो इलेक्ट्रीक एड्जस्टेवल ड्राइभर सिट सहित आउनुका साथै इन्टेरियरमा ७ इन्चको इन्ट्रुमेन्ट क्लष्टर, १०.१ इन्चको रोटेवल इन्फोटेन्टमेन्ट सिस्टम, ओटीए अपडेट, चार स्पीकर, भ्वाइस इन्ट्रिगेसन, किलेस इन्ट्री लगायतका फिचर छन् ।
सिगलमा ५५ किलोवाट क्षमताको इलेक्ट्रीक मोटर उपलब्ध छ। यसमा रहेको ठूलो ब्याट्रीले ४०५ किलोमिटरसम्म रेन्ज दिने बताइएको छ । यो कारले डिसी फास्ट चार्जर सपोर्ट गर्ने कम्पनीले जनाएको छ ।
बीवाइडीको सानो ह्याचव्याक कार सिगल साढे ९ हजार देखि १२ हजार अमेरिकी डलर सम्म पर्दछ । यसरी, नेपाली बजारमा यस कारको मूल्य ३० लाख रूपैयाँ हाराहारी पर्ने अनुमान गरिएको छ ।यद्यपि, यसको मूल्यका विषयमा हाल सम्म कम्पनीले कुनै जानकारी दिएको छैन ।
चीनमा बिक्री गर्दा कम्पनीको सबैभन्दा कम मूल्यको ह्याचव्याक कार नेपालमा पनि बीवाइडीको सबैभन्दा सस्तो मोडल बन्ने कम्पनीको भनाइ छ ।
