काठमाडौँ, २६ कात्तिकः चलचित्र ‘कार्साङ’का कलाकार जितु नेपालको क्यारेक्ट लुक्स सार्वजनिक गरिएको छ ।
.gif)
निर्माण पक्षले मंगलबार जितुको क्यारेक्टर लुक्स सार्वजनिक गरेको हो । जितुले चलचित्रको छायांकनको बेला सेटमा अन्य कलाकार सँग खिचेर पोष्ट गरेको फोटो सँग उहाँको क्यारेक्टर लुक्स मिल्दैन । क्यारेक्टर लुक्स हेर्दा जितुले ‘कार्साङ’मा क्यारेक्टरका लागि मिहिनेत गरेको देखिन्छ ।
यस अघि दयाहाङ राईको क्यारेक्टर लुक्स सार्वजनिक गरिएको थियो । यम शेर्पाको डेव्यु लेखन तथा निर्देशनमा निर्माण भएको यो चलचित्र आगामी पुस २६ गते देखि सिनेमा घरमा आउँदै छ । शेर्पा समुदायको संस्कृतिमा आधारित भएर बनेको यो चलचित्रमा दयाहाङ राई, सिर्जना निङलेखु, जितु नेपाल, दीया मास्के, बुद्धि तामाङ, सृष्टि गौतम, डोमा हृयोल्मो, प्रेम लोप्चन, सुरवीर पण्डित लगायतको अभिनय छ ।
यार्सा फिल्मस् र पुरुषोत्तम प्रधान फिल्मस्को प्रस्तुतिमा निर्माण भएको चलचित्रमा पुरुषोत्तम प्रधानको छायांकार र निर्माता स्वयं हुनुहुन्छ । चलचित्रको सह–निर्मातामा गोविन्द बोहरा, कार्यकारी निर्माता आङछिरिङ शेर्पा तथा लाइन प्रोड्युसर वीरेन्द्र शाही रहनु भएको छ । यो चलचित्रको अन्तर्राष्ट्रिय वितरक अघिकार हुल्या इभेन्टस सुमन पराजुली र सोमलाल थोकर लिएको छ भने देशभर वितरणको जिम्मेवारी आरआर फिल्मस्ले लिएको छ ।
