काठमाडौँ । हालै आएको विनाशकारी बाढीबाट प्रभावित नागरिकका लागि कतारी सशस्त्र बलको विशेष विमानमार्फत ल्याइएको आपत्कालीन मानवीय सहायता सामग्री नेपाल सरकारलाई हस्तान्तरण गरिएको छ। कतार फन्ड फर डेभलपमेन्टले उपलब्ध गराएको यो राहत सामग्री कतारको अन्तर्राष्ट्रिय ऐक्यबद्धता र विपद् व्यवस्थापनमा सहयोग पुर्याउने निरन्तर प्रयासअन्तर्गत ल्याइएको हो।करिब ५२ हजार बाढीपीडित जनतालाई प्रत्यक्ष लाभ पुग्ने गरी पठाइएको यस सहायता सामग्रीभित्र पानी तान्ने र निष्कासन गर्ने उपकरण, बत्ती, खाद्यान्न तथा बहुउपयोगी त्रिपाल समावेश छन्। विशेष गरी शुद्ध पिउने पानी र अत्यावश्यक सेवाको पहुँचमा कठिनाइ झेलिरहेका क्षेत्रका परिवार तथा बालबालिकाको प्राथमिक मानवीय आवश्यकता पूरा गर्न यस सहयोगले ठुलो मद्दत पुर्याउनेछ।
.gif)
कतारी आन्तरिक सुरक्षा बलसँग सम्बद्ध 'कतारी इन्टरनेसनल सर्च एन्ड रेस्क्यु ग्रुप' ले राहत सामग्री प्रभावित क्षेत्रसम्म पुर्याउन र मैदानमा सञ्चालित मानवीय कार्यमा प्रत्यक्ष सहयोग गरिरहेको छ। विपद् र संकटको घडीमा प्रभावित देश तथा जनताको पक्षमा उभिने कतारको स्थापित नीतिकै निरन्तरताका रूपमा यो सहयोग आएको छ। संकटको सामना गर्नुका साथै प्रभावित समुदायको पुनर्स्थापना र उत्थानशीलता अभिवृद्धिमा योगदान पुर्याउनु अन्तर्राष्ट्रिय सहकार्यको मुख्य ध्येय रहेको विश्वास कतारले लिएको छ।
