काठमाडौँ । नेपाल विद्युत् प्राधिकरणले डेडिकेटेड र ट्रंकलाइनबाट विद्युत् उपभोग गरेका ४९ उद्योगहरूले विद्युत् महसुल बुझाउने आज अन्तिम दिन रहेको छ । प्राधिकरणले असोज २४ गते डेडिकेटेड र ट्रङ्क लाइनबाट विद्युत् उपभोग गरेका उद्योगलाई कात्तिक ८ गतेभित्र बक्यौता रकम बुझाउन अनुरोध गर्दै सूचना जारी गरेको थियो ।
.gif)
तोकिएको समय अवधिभित्र महसुल नबुझाएमा कानुन बमोजिम असुल उपर गर्ने चेतावनी समेत विद्युत् प्राधिकरणले दिएको थियो । नेपाल विद्युत् प्राधिकरणको बोर्ड बैठक आज ऊर्जा मन्त्रीको अध्यक्षमा बस्ने मन्त्रालयले जनाएको छ ।
प्राधिकरणले २०७२ माघदेखि २०७५ वैशाखसम्मको बक्यौता रकम तिर्न उद्योगहरूलाई ताकेता गर्दै आएको छ । तर केही उद्योगीहरूले बिजुली प्रयोग गरेवापतको महसुल तिरेका छैनन् । केही उद्योगले शुल्क बुझाइसकेको छन् ।
