काठमाडौँ, ३ जेठ । प्राविधिक शिक्षा तथा व्यावसायिक तालिम परिषद् (सीटीईभीटी) का उपाध्यक्ष मोहम्मद सफिउल्लाह ले पदबाट राजीनामा दिएका छन्।
.gif)
‘हटाउने तयारीमा रहेका उपाध्यक्षले रोकिएको सम्बन्धन दिन दौडधुप’ शीर्षकमा समाचार प्रकाशित भएपछि उपाध्यक्ष सफिउल्लाहले राजीनामा दिएको जनाइएको छ। समाचार प्रकाशित भएकै दिन उनले शिक्षा तथा खेलकुदमन्त्री सस्मित पोखरेल समक्ष राजीनामा बुझाएका हुन्।
राजीनामा दिए पनि सीटीईभीटीको आधिकारिक वेबसाइटमा भने अझैसम्म उनको नाम हटाइएको छैन। उच्च स्रोतका अनुसार राजीनामापछि सफिउल्लाहले “मलाई तपाईंहरूले चिन्न सक्नुभएन, अहिले मैले राजीनामा दिएको छु” भन्ने प्रतिक्रिया दिएका थिए।
उनको राजीनामासँगै सीटीईभीटी उपाध्यक्ष विहीन बनेको छ।
