काठमाडौँ, १ जेठ । नेपाल राष्ट्र बैंकले आर्थिक वर्ष २०८२।८३ का लागि जारी गरिएको मौद्रिक नीतिको तेस्रो त्रैमासिक समीक्षा सार्वजनिक गरेको छ । समीक्षा मार्फत राष्ट्र बैंकले बैंकिङ प्रणालीमा रहेको तरलता, कर्जा प्रवाह, ब्याजदर तथा समग्र आर्थिक अवस्थाको मूल्यांकन गर्दै आवश्यक नीतिगत व्यवस्थामा समायोजन गरेको जनाएको छ ।
.gif)
राष्ट्र बैंकका अनुसार पछिल्लो समय बैंकिङ प्रणालीमा पर्याप्त तरलता रहेको, कर्जा विस्तार अपेक्षाकृत सुस्त रहेको तथा निक्षेपको ब्याजदर घट्दो क्रममा रहेको अवस्था विश्लेषण गरी समीक्षा तयार गरिएको हो । समीक्षा मार्फत वित्तीय स्थायित्व कायम राख्दै आर्थिक गतिविधि चलायमान बनाउने उद्देश्य राखिएको राष्ट्र बैंकले जनाएको छ ।
केन्द्रीय बैंकले मौद्रिक नीतिको कार्यान्वयन अवस्था, मुद्रास्फीति, विदेशी विनिमय सञ्चिति, बैंक तथा वित्तीय संस्थाको अवस्था र निजी क्षेत्रको कर्जा प्रवाहलगायत विषयलाई समेटेर समीक्षा सार्वजनिक गरेको हो ।
