काठमाडौं । Samsung नेपालले वैदेशिक रोजगारीमा रहेका नेपाली कामदार र उनीहरूका परिवारलाई लक्षित गर्दै “Remit मा Benefit” नामक विशेष उपभोक्ता अभियान सुरु गरेको छ। कम्पनीले यस अभियानमार्फत रेमिट्यान्सलाई केवल आर्थिक लेनदेन नभई परिवारको जीवनस्तर सुधार गर्ने माध्यमका रूपमा उपयोग गर्ने उद्देश्य राखेको जनाएको छ।
.gif)
सामसङका अनुसार रेमिट्यान्सलाई त्याग, जिम्मेवारी र आकांक्षाको प्रतीकका रूपमा लिँदै यस अभियानले प्रिमियम प्रविधिमा पहुँच सहज बनाउने लक्ष्य लिएको छ। यसअन्तर्गत स्मार्टफोन, टिभी, रेफ्रिजेरेटर र वासिङ मेसिनमा अधिकतम ६ प्रतिशतसम्म क्यासब्याक उपलब्ध गराइएको छ। साथै एनसेल प्रयोगकर्ताका लागि १८० जीबीसम्म बोनस डेटा र २४ महिनासम्मको ईएमआई सुविधा पनि समावेश गरिएको छ।
कम्पनीले यी सुविधाले उपभोक्ताको मासिक आर्थिक दबाब घटाउँदै गुणस्तरीय प्रविधिको प्रयोगलाई थप सहज बनाउने विश्वास व्यक्त गरेको छ।
यो अभियान IME Remit, Khalti, Ncell, HFL, HIM Electronics र Triveni Byapar Limited लगायत साझेदार संस्थासँगको सहकार्यमा सञ्चालन गरिएको हो। अभियानले देशभर रेमिट्यान्स-आधारित परिवारलाई लक्षित गर्दै पहुँच, किफायतीपन र डिजिटल कनेक्टिभिटी विस्तार गर्ने लक्ष्य राखेको छ।
अफर उपयोग गर्न IME Remit मार्फत रेमिट्यान्स प्राप्त गरी IME कन्ट्रोल नम्बरसहित नजिकको स्टोरमा जानुपर्ने, इच्छित डिभाइस छनोट गरी HFL मार्फत ऋण आवेदन गर्न सकिने तथा Khalti र Ncell मार्फत अतिरिक्त सुविधा लिन सकिने जनाइएको छ।
लन्च अवसरमा सामसङ नेपाल MX Business का वरिष्ठ निर्देशक प्रणय रत्न स्थापितले रेमिट्यान्सलाई आर्थिक सहयोग मात्र नभई विदेशमा रहेका लाखौं नेपालीको आशा र आकांक्षाको प्रतिबिम्ब भएको उल्लेख गरे। उनले “सपनादेखि सम्भावनासम्म” अभियानमार्फत प्रविधिलाई अझ पहुँचयोग्य बनाउने प्रयास गरिएको बताए।
सामसङले यो पहलमार्फत रेमिट्यान्सलाई दिगो आर्थिक र सामाजिक प्रगतिमा रूपान्तरण गर्ने प्रतिबद्धता दोहोर्याएको छ।
