काठमाडौँ, १७ वैशाख । गरिमा विकास बैंक लिमिटेडका ग्राहकले अब ओम हस्पिटल एन्ड रिसर्च सेन्टर र कान्तिपुर डेन्टल हस्पिटल एन्ड रिसर्च सेन्टरमा स्वास्थ्य सेवामा विशेष छुट पाउने भएका छन्। यसका लागि बैंक र सम्बन्धित अस्पतालबीच त्रिपक्षीय सम्झौता गरिएको छ।
.gif)
सम्झौताअनुसार बैंकका ग्राहकले ओम हस्पिटलमा सिटी स्क्यान, एक्सरे लगायतका सेवामा अधिकतम १० प्रतिशतसम्म छुट प्राप्त गर्नेछन्। त्यस्तै, कान्तिपुर डेन्टल हस्पिटलमा बेड शुल्कमा १५ प्रतिशत र अन्य स्वास्थ्य सेवामा १० प्रतिशतसम्म छुट उपलब्ध हुने व्यवस्था गरिएको छ।
यो छुट सुविधा काठमाडौंको वसुन्धारा, सुन्दरबस्ती र सतुंगल शाखासहित पोखरा, नारायणगढ–भरतपुर तथा बुटवलस्थित शाखाबाट समेत उपलब्ध हुनेछ।
छुट लिन ग्राहकले गरिमा विकास बैंकको मोबाइल बैंकिङ वा डेबिट–क्रेडिट कार्ड प्रयोग गरी भुक्तानी गर्नुपर्ने बैंकले जनाएको छ।
