काठमाडौँ, १५ वैशाख । सिद्धार्थ बैंकले चालु आर्थिक वर्षको तेस्रो त्रैमाससम्म २ अर्ब १ करोड रुपैयाँभन्दा बढी खुद नाफा आर्जन गरेको छ। यो गत वर्षको सोही अवधिको तुलनामा करिब २०.७८ प्रतिशत वृद्धि हो।
.gif)
बैंकको नाफा बढ्नमा इम्पेरमेन्ट चार्ज घट्नुका साथै खुद ब्याज आम्दानी र फि तथा कमिशन आम्दानीमा सुधार मुख्य कारण बनेका छन्। समीक्षा अवधिमा सञ्चालन मुनाफा २३.४५ प्रतिशतले बढेको छ।
बैंकको वितरणयोग्य मुनाफा २ अर्ब ९९ करोड रुपैयाँ पुगेको छ भने वितरणयोग्य प्रतिशेयर आम्दानी २० रुपैयाँ ९८ पैसा रहेको छ। यस अवधिमा प्रतिशेयर आम्दानी पनि बढेर १७ रुपैयाँ ६२ पैसा पुगेको छ।
बैंकको चुक्ता पूँजी १८ अर्ब २९ करोड रुपैयाँ छ भने निक्षेप ३ खर्ब ३ अर्ब र कर्जा प्रवाह २ खर्ब ३० अर्ब रुपैयाँ पुगेको छ।
