काठमाडौं । नबिल बैंक लिमिटेडले काठमाडौं उपत्यकामा सञ्चालनमा रहेका आफ्ना तीन शाखामध्ये दुई शाखा समायोजन गर्ने भएको छ । बैंकले नयाँ बानेश्वर, बिजुलीबजार र शंखमूल शाखामध्ये बिजुलीबजार र शंखमूल शाखा बन्द गरी सम्पूर्ण सेवा नयाँ बानेश्वर शाखाबाट मात्र सञ्चालन गर्ने निर्णय गरेको हो ।
.gif)
बैंकले आइतबार सूचना जारी गर्दै वैशाख २१ गतेदेखि बिजुलीबजार र शंखमूल शाखाबाट प्रदान हुँदै आएका सम्पूर्ण बैंकिङ सेवा बन्द हुने जनाएको छ । ती शाखाका ग्राहक सेवा अब नयाँ बानेश्वर शाखामा स्थानान्तरण गरिनेछ ।
बैंकका अनुसार सम्बन्धित शाखामा रहेका ग्राहकका खाता, लकर तथा अन्य बैंकिङ सुविधा अब नयाँ बानेश्वर शाखामै निरन्तर रूपमा उपलब्ध हुनेछन् । बैंकले सेवा समायोजनपछि ग्राहकलाई अझ प्रभावकारी र सहज सेवा दिने उद्देश्य रहेको जनाएको छ ।
