काठमाडौं । दोस्रो बजार मापक नेपाल स्टक एक्सचेन्ज (नेप्से) बुधबार सेयर बजार घटेको छ ।दिनभर उतारचढाव देखिएको बजार गृहमन्त्री सुधन गुरुङले पदबाट राजीनामा दिएपछि क्रमशः सम्हालिँदै २८१७.५५ विन्दुसम्म पुगेको थियो । तर, यो वृद्धि अस्थिर देखियो । अन्ततः नेप्से २.९५ अंकले घटेर बन्द भएको छ । यस दिन परिसूचक २८०४.१७ विन्दु कायम भएको छ ।
.gif)
कारोबार रकम भने अघिल्लो दिनको तुलनामा बढेको छ । हिजो पाँच अर्ब ७७ करोडको कारोबार भएकामा आज सात अर्ब ८१ करोड रुपैयाँको कारोबार भएको छ । कारोबारमा आएका ३४२ कम्पनीमध्ये १२१ कम्पनीको मूल्य बढेको छ । १३८ कम्पनीमा मूल्य घट्दा १० वटाको स्थिर रह्यो । आज तीन कम्पनीको मूल्य १५ प्रतिशतले बढेको छ । पाल्पा सिमेन्ट, सूर्यकुण्ड हाइड्रो र शिखर पावरको मूल्य सोबराबर बढेको हो ।होटेल फरेस्ट इनको मूल्यमा १०.७५ प्रतिशतको गिरावट आएको छ ।
