बुधबार सेयर बजार परिसूचक उच्च अंकले बढेर कारोबार बन्द भएको छ । आजको कारोबार बन्द हुन्दा सेयर बजार परिसूचक ४५.१२ अंकले बढेर बन्द भएको हो । योसँगै सेयर बजार आज २८०० माथि पुगेको छ । आजको कारोबार बन्द हुन्दा परिसूचक १.६३ प्रतिशतले बढेर २८०२.५२ विन्दुमा पुगेको हो । आज सेयर बजारमा २५१ कम्पनीको सेयर मूल्य बढेको छ भने १५ कम्पनीको सेयर मूल्य घटेको छ । आज सेयर बजारमा २ कम्पनीको सेयर मूल्य भने स्थिर रहेको छ ।
.gif)
त्यस्तै आज सेन्सेटिभ इन्डेक्स पनि ५.७५ अंकले बढेर ४७६.८८ विन्दुमा पुगेको छ । आज नेप्सेमा सबै १३ वटै उपसूचकको सेयर मूल्य बढेको छ । परिसूचक बढेको दिन सेयर बजारमा ८ अर्ब माथिको कारोबार भएको छ । आज ३४६ कम्पनीका १ करोड ८८ लाख १६ हजार ८०८ कित्ता सेयर ९८ हजार १६२ पटक खरिद बिक्री हुँदा ८ अर्ब ३१ करोड ८९ लाख ८ हजार ४४१ रुपैयाँको कारोबार भएको छ । सेयर बजार उच्च अंकले बढेर कारोबार भएको दिन सेयर बजारमा ७ वटा कम्पनीको सेयर मूल्यमा सकारात्मक सर्किट लागेर कारोबार भएको छ ।
