वासिङ्टन डीसी । चिनियाँ सैन्य पाइलटहरूलाई अवैध रूपमा तालिम दिएको आरोपमा अमेरिकाका पूर्ववायुसेना अधिकारी तथा ‘एलिट फाइटर पाइलट’ जेराल्ड ब्राउन पक्राउ परेका छन्। अमेरिकी न्याय मन्त्रालयका अनुसार ६५ वर्षीय ब्राउनलाई बुधबार इन्डियानामा नियन्त्रणमा लिइएको हो ।ब्राउन लामो समय अमेरिकी वायुसेनामा सेवा गरेका एफ–३५ लाइटनिङ द्वितीय प्रशिक्षक पाइलट हुन् । उनीमाथि सरकारी अनुमति बिना चिनियाँ पाइलटहरूलाई रक्षा सेवा प्रदान गरेको र त्यसका लागि षड्यन्त्र गरेको अभियोग लगाइएको छ।
.gif)
एफबीआईको काउन्टरइन्टेलिजेन्स तथा जासुसी डिभिजनका सहायक निर्देशक रोमन रोजहाव्स्कीले जोगाउने कसम खाएका उनले देशविरुद्ध लड्ने चिनियाँ पाइलटलाई तालिम दिएर विश्वासघात गरेको आरोप लगाएका छन् । उनले चिनियाँ सरकारले अमेरिकी सशस्त्र बलका वर्तमान तथा पूर्व सदस्यहरूको विशेषज्ञता प्रयोग गरेर आफ्नो सैन्य क्षमता आधुनिकीकरण गर्न खोजिरहेको दाबी गरे।डिस्ट्रिक्ट अफ कोलम्बियाका अटर्नी जीनिन फेरिस पिरोले पनि ब्राउनसहित राष्ट्रविरुद्ध षड्यन्त्र गर्ने जो–कोहीलाई कानुनी कारबाही गरिने चेतावनी दिइन् ।न्याय मन्त्रालयका अनुसार ब्राउनले २४ वर्ष अमेरिकी वायुसेनामा सेवा गरेका थिए । उनले विभिन्न युद्ध मिसनको नेतृत्व गर्नुका साथै आणविक हतियार डेलिभरी प्रणालीसँग सम्बन्धित संवेदनशील युनिटहरूको कमान्ड समेत सम्हालेका थिए ।सँग सम्बन्धित गम्भीर मुद्दाका रूपमा लिएका छन् । मुद्दा अदालतमा विचाराधीन छ।
