काठमाडौं- होटल फरेष्ट इन लिमिटेडले माघ २२ देखि माघ २६ गतेसम्म सर्वसाधारणका लागि बिक्री खुला गरेको आईपीओ आज फागुन गते बाँडफाँट गरेको छ। बिक्री प्रबन्धक एनआईसी एशिया क्यापिटल लिमिटेडले आईपीओ बाँडफाँट गरेको हो।कम्पनीले सर्वसाधारणका लागि प्रतिकित्ता १०० रुपैयाँका दरले कुल ३३ लाख २० हजार कित्ता आईपीओ बिक्री खुला गरेको थियो। बिक्री अवधिभर २३ लाख ७१ हजार ३१५ जना आवेदकले २ करोड ५७ लाख ४५ हजार ७०० कित्ताका लागि रीतपूर्वक आवेदन दिएका थिए।
.gif)
मागभन्दा बढी मात्रामा आवेदन परेकाले गोला प्रथाबाट आईपीओ बाँडफाँड गरिएको हो। बाँडफाँडमा ३ लाख ३२ हजार आवेदकले १०/१० कित्ताका दरले आईपीओ हात पारेका छन् भने बाँकी सबै आवेदकको हात रित्तो भएको छ।
यस आईपीओको अन्तिम नतिजा सीडीएस एन्ड क्लियरिङले रिजल्ट हेर्न बनाएको वेबसाइट https://iporesult.cdsc.com.np/ , बिक्री प्रबन्धकको वेबसाइट https://www.nicasiacapital.com/ipo-result र मेरो सेयरको वेबसाइट https://meroshare.cdsc.com.np/#/login मार्फत् हेर्न सकिन्छ ।
