काठमाडौँ । मेडिकल व्यवसायी दुर्गा प्रसाईंलाई अदालतले थप १ दिन हिरासतमा अनुमति दिएको छ । शुक्रबार काठमाडौँ जिल्ला अदालतकी न्यायाधीश अणेश्वरी घिमिरेले सोमबार बुझाउने सर्तमा थप १ दिन म्याद दिएकी हुन् । यसअघि दुई पटकमा ४ दिन हिरासतमा राख्न अदालतले अनुमति दिएको थियो । अदालतले प्रसाईं विरुद्धको अनुसन्धान प्रतिवेदन सोमबार पेस गर्न आदेश गरेको छ ।
.gif)
प्रसाईंलाई असार १२ मा साइबर ब्युरोले पक्राउ गरेको थियो । राष्ट्रिय स्वतन्त्र पार्टीकी सांसद रचना खतिवडाको उजुरीको आधारमा प्रहरीले उनलाई विद्युतीय अपराध ऐन सम्बन्धी कसुरमा अनुसन्धान गरिरहेको छ । प्रसाईंले युट्युबमार्फत छोराको शवसँग सांसद पद साटेको भन्दै अपमानजनक टिप्पणी गरेका थिए ।
