टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले अङ्ग्रेजी नयाँ वर्ष २०२६ को अवसरमा ग्राहकहरूका लागि विशेष ‘न्यू इयर बिग स्विच’कार्यक्रम सार्वजनिक गरेको छ। जनवरी १५ देखि १८ तारिख (माघ १ देखि ४ गते) सम्म सञ्चालन हुने चार दिने विशेष कार्यक्रममार्फत ग्राहकहरूले आफ्ना पुराना जुनसुकै गाडीहरू साटेर टाटाका अत्याधुनिक सवारी साधनहरूमा अपग्रेड गर्ने उत्कृष्ट अवसर प्राप्त गर्ने कम्पनीले जनाएको छ ।
.gif)
कम्पनीका अनुसार ‘बिग स्विच’कार्यक्रमको मुख्य उद्देश्य ग्राहकलाई आफ्नो पुरानो गाडीको 'उत्कृष्ट एक्सचेन्ज मूल्याङ्कन' उपलब्ध गराउँदै नयाँ सवारीको अनुभव दिलाउनु रहेको छ। योजना अवधिभर टाटाका गाडी बुकिङ गर्ने प्रत्येक ग्राहकले आकर्षक उपहारहरू प्राप्त गर्नेछन् भने आकर्षक नगद छुटको सुविधा समेत उपलब्ध गराइएको छ। विशेष गरी विद्युतीय सवारी साधन (ईभी) प्रति रुचि राख्ने ग्राहकहरूका लागि कम्पनीले आजीवन निःशुल्क डीसी फास्ट चार्जिङ र निःशुल्क होम चार्जिङ जडान जस्ता विशेष सहुलियतहरू प्रदान गरेको छ।यसका साथै नयाँ गाडी खरिद गर्दा ग्राहकले एक वर्षको सवारी कर छुट र निःशुल्क एसेसोरिज जस्ता सुविधाहरू समेत पाउनेछन्।
टाटाका ईभी र आईसीई सेगमेन्टका टियागो, नेक्सन, पञ्च, सफारी र कर्भ ईभी लगायतका चर्चित मोडलहरूमा केन्द्रित यस अत्याधुनिक यातायातको पहुँचलाई थप सहज बनाउने विश्वास कम्पनीले लिएको छ।
