१० पुस, काठमाडौं । बजारमा हरियो अकबरे खुर्सानी र हरियो धनियाँको भाउ बढेको छ । कालीमाटी फलफूल तथा तरकारी बजार विकास समितिको तथ्यांक अनुसार बिहीबार अकबरे खुर्सानी र हरियो धनियाँको भाउ बढेको हो ।अकबरे खुर्सानीको भाउ प्रतिकिलो थोकमा औसत ४१ रुपैयाँ बढेको छ । हिजो बुधबार प्रतिकिलो थोकमा औसत ३ सय २५ रुपैयाँमा अकबरे खुर्सानी किनबेच भएको थियो । आज प्रतिकिलो भाउ ३ सय ६६ रुपैयाँ कायम छ ।
.gif)
यस्तै आज हरियो धनियाँको भाउ पनि प्रतिकिलो औसत ३२ रुपैयाँ बढेको छ । हिजो बुधबार प्रतिकिलो ६० रुपैयाँमा किनबेच भएको हरियो धनियाँ आज बिहीबार ९२ रुपैयाँमा किनबेच भइरहेको छ ।
