भारदह (सप्तरी), कात्तिक २४ गते । राजविराजस्थित रहेको गजेन्द्रनारायण सिंंह अस्पतालमा तोडफोड, आगजनी र अस्पतालका चिकित्सक माथि हातपात भएपछि अस्पतालको आकस्मिक बाहेक सबै सेवा बन्द भएको छ ।अस्पतालको एनआइसियू वार्डमा आइतबार उपचार भइरहेको नवजात शिशु माथि विद्युत् सर्टभई बलिरहेको चिम खस्दा शिशु गम्भीर घाइते भएपछि आक्रोसित आफन्तले अस्पताल तोडफोड र आगजनी गरी अस्पतालका निमित्त मेसु दिलिप साहमाथि हातपात गरेको विरोधमा अस्पतालले आइतबार राति एक सुचना जारी गरी सुरक्षाको प्रत्याभूति र दोषीलाई कारबाही नगरेसम्म आकस्मिक सेवा बाहेक सबै सेवा बन्द गर्ने निर्णय गरेको थियोे ।
.gif)
अस्पतालको आकस्मिक सेवा बाहेक सबै सेवा बन्द भएपछि अस्पतालका उपचारार्थ बिरामीले सास्ती भोग्नुपरेको छ । आइतबार साँझ एनआइसियूमा चिम (बल्ब) झरेर आइतबारै जन्म भई बेलुकी अस्पतालमा भर्ना रहेका रूपनी गाउँपालिकाका हर्दियाका राम यादवका छोरा गम्भीर घाइते भएका थिए । चीम खसेर घाइते भएको शिशुलाई उपचारका लागि विराटनगर लगिएको शिशुका बाबु राम यादवले बताउनुभयो । उहाँले भन्नुभयो, शिशुको एनआइसियूमा उपचार भइरहदा शय्या जलेर शिशुलाई पोलुन्जेल उपचारमा संलग्न नर्स के गर्दै थियोे ?केही घण्टा अगाडि जन्मिएको त्यसरी त्यति घाइते कसरी भयो ? उपचारमा संलग्न नर्सले तत्कालै ध्यान दिएको भए शिशु यति घाइते हुने थिएन ।
यता पीडित परिवारले शिशुको उपचारका सम्पूर्ण खर्च अस्पतालले बेहाेर्नुपर्ने, घटनाका सम्पूर्ण जिम्मेवारी अस्पतालले लिनुपर्ने माँग गर्दै आएका छन् ।
