काठमाडौं । सिटी होटल लिमिटेडले अवितरित हकप्रद शेयरको आजदेखि लिलाम बढाबढ गर्ने भएको छ । कम्पनीले एक सूचना जारी गर्दै कम्पनीले १ बराबर ०.८० अनुपातमा निष्काशन गरेको हकप्रद शेयरमा आवेदन नपरेको शेयर लिलाम बिक्री गर्न लागेको जनाएको छ ।
.gif)
कम्पनीले शेयर किन्न इच्छुकहरूले यही कात्तिक ३० गतेभित्र कम्पनीको शेयर बिक्री प्रबन्धक प्रभु क्यापिटल लिमिटेड वा बैंकका विभिन्न शाखाहरूमा सम्पर्क गर्न सकिने जनाएको छ । कम्पनीको बोलकबोल गर्नका लागि रु १०० प्रतिकित्ता तोकिएको छ भने न्यूनतम १०० कित्ता शेयर किन्नैपर्ने हुन्छ ।
कम्पनीले २१ लाख ५० हजार ४१८ कित्ता शेयर खरिदका लागि गोप्य शिलबन्दी बोलपत्र आह्वान गरेको छ। सोमध्ये लकइनमा रहेको संस्थापक समूहको १९ लाख ८९ हजार ९९९ कित्ता र कर्मचारीहरुको तर्फबाट ६ हजार कित्ता रहेको छ भने लकइनमा नरहेको सर्वसाधारण समूहको १ लाख ५४ हजार ४१९ कित्ता रहेको छ।
