काठमाडौं । नेपाली बजारमा आज सुनको मूल्यमा उल्लेखनीय गिरावट आएको छ। नेपाल सुनचाँदी व्यवसायी महासंघका अनुसार आज (मंगलबार) सुनको मूल्य तोलामा दुई लाख ३७ हजार रुपैयाँ निर्धारण गरिएको छ।
.gif)
सोमबारको तुलनामा आज सुनको मूल्य दुई हजार ९०० रुपैयाँले घटेको हो। सोमबार तोलाको मूल्य दुई लाख ३९ हजार ९०० रुपैयाँ रहेको थियो।
त्यस्तै, आज चाँदीको मूल्य तोलामा दुई हजार ९८० रुपैयाँ कायम गरिएको महासंघले जनाएको छ।
विश्लेषकहरूका अनुसार अन्तर्राष्ट्रिय बजारमा देखिएको मूल्य घटबढकै असर नेपाली बजारमा पनि परिरहेको छ।
