काठमाडौँ । कात्तिक १०, देशभर अन्डाको मूल्य फेरि बढेको छ। नेपाल लेयर्स कुखुरापालक संघले उत्पादन घटेको र खपत बढेको कारण देखाउँदै सोमबार कात्तिक ११ देखि लागू हुने गरी नयाँ दर सार्वजनिक गरेको हो।
.gif)
संघका अनुसार अब ठूलो अन्डाको मूल्य प्रतिक्रेट रु. ५०० र मध्यम अन्डाको मूल्य रु। ४५० पुगेको छ। अघिल्लो दरको तुलनामा प्रतिक्रेटमा रु. ५० ले वृद्धि गरिएको संघले जनाएको छ।
यो मूल्यवृद्धि चितवनलाई आधार मानेर गरिएको हो, जहाँ देशकै प्रमुख अन्डा उत्पादन केन्द्रहरू रहेका छन्।
संघका पदाधिकारीहरूका अनुसार खुद्रा स्तरमा भने उपभोक्ताले ठूलो मूल्यवृद्धि महसुस गर्नुपर्ने छैन। हाल उपभोक्ताले एउटा अन्डा करिब रु. २२ मा खरिद गर्न सक्ने र मूल्यमा ५० देखि ७० पैसासम्म मात्र वृद्धि हुने जनाइएको छ।
