काठमाडौँ । असोज ३०, आज देशभर कुनै उल्लेखनीय मौसम प्रणालीको प्रभाव नरहेकाले अधिकांश भूभागमा मौसम मुख्यतया सफा रहने जलवायु पूर्वानुमान महाशाखाले जनाएको छ।
.gif)
मौसमविद्हरूका अनुसार, सबै प्रदेशका पहाडी क्षेत्रहरूमा आंशिक बदली रहनेछ भने तराई तथा अन्य क्षेत्रहरूमा मौसम खुल्ला रहने अपेक्षा गरिएको छ।
कोशी, बागमती र गण्डकी प्रदेशका पहाडी भूभागमा भने एकदुई स्थानमा हल्का वर्षा हुने सम्भावना रहेको छ। अन्य क्षेत्रहरूमा वर्षाको खास सम्भावना छैन।
महाशाखाले हिलो वा वर्षा हुने सम्भावनाबाट सावधानी अपनाउनु पर्ने अवस्था नरहेको स्पष्ट पारेको छ। हाल मौसम शान्त र सामान्य अवस्थामै रहेको जनाइएको छ।
