काठमाडौँ । असोज २८, गरिमा विकास बैंक लिमिटेडले आर्थिक वर्ष २०८१।८२ का लागि लाभांश घोषणा गरेको छ। बैंकको असोज २७ गते सोमबार दिउँसो ३ः३० बजे बसेको सञ्चालक समितिको ३३४औं बैठकले सेयरधनीहरूलाई बोनस र नगद लाभांश वितरण गर्ने निर्णय गरेको हो।
.gif)
बैंकले आर्थिक वर्षको अन्त्यमा कायम सञ्चित मुनाफाबाट हालको चुक्तापूँजीमा आधारित भएर ६ प्रतिशत बोनस सेयर र ४.५३ प्रतिशत नगद लाभांश (करसहित) वितरण गर्ने प्रस्ताव गरेको छ।
हाल बैंकको चुक्तापूँजी ५ अर्ब ६८ करोड ५ लाख १७ हजार ३२७ रुपैयाँ रहेको छ। प्रस्तावित बोनस वितरणपछि चुक्तापूँजी ६ अर्ब २ करोड १३ लाख ४८ हजार ३६७ रुपैयाँ पुग्नेछ।
प्रस्तावित लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारणसभाबाट पारित भएपछि सेयरधनीहरूले पाउने छन्।
