काठमाडौँ । असोज २४, नेपाल राष्ट्र बैंकले एटीएम (डेबिट कार्ड) मार्फत झिक्न सकिने रकमको सीमा घटाउने निर्णय गरेको छ। राष्ट्र बैंकको भुक्तानी प्रणाली विभागले शुक्रबार जारी गरेको नयाँ निर्देशन अनुसार अब एक पटकमा अधिकतम २० हजार रुपैयाँ, एक दिनमा ५० हजार रुपैयाँ र एक महिनामा ३ लाख रुपैयाँ मात्र झिक्न पाइनेछ।
.gif)
यसअघि यो सीमा क्रमशः २५ हजार, १ लाख र ४ लाख रुपैयाँ थियो।
राष्ट्र बैंकका अनुसार नयाँ व्यवस्था बैंकिङ सुरक्षा सम्बन्धी जोखिम व्यवस्थापन र डिजिटल कारोबारको प्रवर्द्धनलाई सहज बनाउने उद्देश्यले लागू गरिएको हो। यसले डिजिटल पेमेन्ट प्रणाली प्रति आम नागरिकको आकर्षण बढाउने विश्वास राष्ट्र बैंकले लिएको छ।
नयाँ सीमा तुरुन्त लागू हुने व्यवस्था गरिएको छ। बैंक तथा वित्तीय संस्थाहरूलाई यो निर्देशन कार्यान्वयनमा ल्याउन राष्ट्र बैंकले आग्रह गरेको छ।
