काठमाडौँ । असोज २२, नेपाल राष्ट्र बैंकले बुधबार (आज) पनि बजारबाट तरलता संकलन गर्ने भएको छ। बजारमा अत्यधिक तरलता र बैंकहरूमा नगद थुप्रिए पछि राष्ट्र बैंकले खुला बजार सञ्चालन अन्तर्गत २० अर्ब रुपैयाँ संकलन गर्न लागेको हो।
.gif)
राष्ट्र बैंकका अनुसार, ११ दिनका लागि उठाइने उक्त रकम कात्तिक २ गते साँवा तथा ब्याजसहित फिर्ता हुनेछ। तरलता संकलन प्रक्रियामा सहभागी हुन ‘क’, ‘ख’ र ‘ग’ वर्गका बैंक तथा वित्तीय संस्थाहरूले न्यूनतम १० करोड रुपैयाँ देखि अधिकतम ५ अर्ब रुपैयाँ सम्मको प्रस्ताव दिन सक्नेछन्।
बैंकले थप स्पष्ट पारे अनुसार, सहभागी संस्थाहरूले भाग गर्दा बाँकी रहने रकम बराबरको निक्षेप राष्ट्र बैंकमा राख्न सक्नेछन्।
यसअघि पनि राष्ट्र बैंकले बजारमा मौद्रिक सन्तुलन कायम गर्न पटक पटक तरलता संकलन गर्दै आएको छ।
