काठमाडौँ । असोज १५, अमेरिकामा मध्यरातदेखि संघीय सरकार बन्द भएको छ। कोषसम्बन्धी अस्थायी प्रस्ताव पारित गर्न कङ्ग्रेस असफल भएपछि सन् २०१९ पछि पहिलोपटक अमेरिका सरकारी ठप्पीको अवस्थामा पुगेको हो।
.gif)
सीएनएनका अनुसार, अब के हुन्छ भन्ने विषयमा अझै स्पष्टता छैन। दुबै पार्टी एकअर्का माथि दोषारोपणमा अडिग देखिएका छन्। रिपब्लिकनहरूले हालको खर्च योजना सात हप्तासम्म विस्तार गर्न डेमोक्रेटहरूको समर्थन आवश्यक भएको बताएका छन्। तर डेमोक्रेटहरूले आवश्यक सहुलियत बिना कुनै प्रस्तावलाई समर्थन गर्न अस्वीकार गरेका छन्।
डेमोक्रेट नेताहरू हाकिम जेफ्रीज र चक शुमरले संयुक्त विज्ञप्ति जारी गर्दै यस बन्दको लागि पूर्व राष्ट्रपति डोनाल्ड ट्रम्प र रिपब्लिकनहरूलाई दोष दिएका छन्। विज्ञप्तिमा भनिएको छ, “महिनौँ देखि जनताको जीवन कठिन बनाएका रिपब्लिकनहरूले अब संघीय सरकार बन्द गराएका छन्, किनभने तिनीहरू जनताको स्वास्थ्य सेवाको रक्षा गर्न इच्छुक छैनन्।”
सरकारी बन्दका कारण लाखौँ संघीय कर्मचारीहरू फरलो (अवकाश) मा जानेछन्। अत्यावश्यक सेवामा खटिनेहरूले भने काम त गर्नु पर्नेछ, तर गतिरोध अन्त्य नभएसम्म तलब नपाउने छन्। केही कर्मचारीले भने निरन्तर तलब पाउनेछन्, किनभने उनीहरूको तलब स्रोत वार्षिक विनियोजनबाट होइन।
यस बन्दको अवधि कति लामो हुनेछ भन्नेबारे अनिश्चितता छ। रिपब्लिकन नेताहरूले आफ्नै खर्च योजना दैनिक रूपमा संसदमा ल्याइरहने बताएका छन्, तर डेमोक्रेट समर्थन नआएसम्म समाधान टाढा देखिन्छ।
अघिल्ला बन्दहरूमा देखिएजस्तै, यसपटक पनि अध्यागमन सुनुवाइ स्थगित, संघीय ऋण प्रवाहमा ढिलाइ, तथा साना व्यवसायहरूमा असर पर्ने सम्भावना उच्च रहेको छ।
