काठमाडौँ । शिव श्री हाइड्रोपावर कम्पनी लिमिटेडले भदौ १९ गतेदेखि शतप्रतिशत हकप्रद शेयर निष्काशन तथा बिक्री खुला गरेको छ। कम्पनीले हाल कायम चुक्ता पूँजीको १ अर्ब ४७ करोड ६४ लाख रुपैयाँको १०० प्रतिशत हकप्रद शेयर निष्काशन गर्न लागेको हो। यसअनुसार, १ कित्ता पुरानो शेयरको सट्टा १ कित्ता नयाँ हकप्रद शेयर प्राप्त हुनेछ। कुल १ करोड ४७ लाख ६४ हजार कित्ता हकप्रद शेयर जारी गरिनेछ, जसको अंकित मूल्य १०० रुपैयाँ हुनेछ।
.gif)
नेपाल धितोपत्र बोर्डले यस हकप्रद शेयर निष्काशनको प्रस्तावलाई स्वीकृति प्रदान गरेको छ। सिटिजन्स क्यापिटलले यस निष्काशनको बिक्री प्रबन्धकको रूपमा कार्य गर्नेछ।
हकप्रद शेयर निष्काशनको प्रक्रिया र थप जानकारीको लागि सिटिजन्स क्यापिटलको आधिकारिक वेबसाइट वा नजिकको मेरो सेयर, अनलाइनमा सम्पर्क गर्न सक्नुहुन्छ।
