काठमाडौँ । भदौ २५, संयुक्त राष्ट्रसंघका महासचिव एन्टोनियो गुटेरसले नेपालमा हालै देखिएको हिंसात्मक घटनाप्रति गहिरो चिन्ता व्यक्त गर्दै सबै पक्षलाई संयमता अपनाउन आग्रह गरेका छन्।
.gif)
सामाजिक सञ्जाल ‘एक्स’ (पूर्व ट्विटर) मार्फत महासचिव गुटेरसले नेपालमा भएको मानवीय क्षतिप्रति गहिरो दुःख प्रकट गर्दै हिंसाको अवस्था थप नबढोस् भनेर सबैलाई संयमित रहन आह्वान गरेका हुन्।
उनले सबै पक्षबीच संवाद मार्फत समाधान खोज्नुपर्नेमा जोड दिँदै मानव अधिकार र कानूनको पूर्ण पालना हुनु आवश्यक रहेको उल्लेख गरेका छन्। साथै, उनले जीवन र सम्पत्तिको रक्षा हुनु पर्ने कुरा पनि विशेष रूपमा उल्लेख गरेका छन्।
महासचिवको यो सन्देश हालैका दिनहरूमा नेपालमा भएका प्रदर्शन र हिंसात्मक घटनाहरूको सन्दर्भमा आएको हो, जसले मुलुकको राजनीतिक र सामाजिक अवस्थालाई प्रभावित पारिरहेको छ।
