काठमाडौं । आज २०८२ साल भदौ ३ गते, मंगलबार। हिन्दू पंचाङ्ग अनुसार आज भाद्र कृष्ण एकादशी, जसलाई अजा एकादशी भनेर चिनिन्छ। साथै, मंगलबारको दिन भगवान श्री गणेश को पूजा विशेष फलदायी मानिन्छ। धार्मिक शास्त्र अनुसार आजको दिन गणेश पूजा, व्रत र लड्डु अर्पण गर्नाले मनोकामना पूरा हुने विश्वास गरिन्छ।

मंगलबारलाई गणेशजीको सबैभन्दा प्रिय दिन मानिन्छ। सुख, शान्ति र समृद्धिको कामना साथ भक्तजनले आज विशेष पूजा, अर्चना, व्रत तथा मन्त्र जाप गर्दै छन्। कुनै पनि शुभ कार्यको सुरुवातमा प्रथम पूजा भगवान गणेशको गर्ने परम्परा अनुसार आजको दिन अझै विशेष मानिन्छ।

गणेश पूजाको महत्व र पूजाविधि
शास्त्र अनुसार गणेश पूजाको विधि १६ उपविधिहरूमा आधारित छ, आह्वान देखि आरती र परिक्रमा सहित। यो पूजाका लागि शुद्ध र एकाग्र चित्तले संकल्प लिनु आवश्यक छ। पूजा गर्दा लड्डु, दूबो, अक्षता, धूप, दीप, पुष्प लगायत सामग्री अर्पण गरिन्छ।विशेषगरी आज अजा एकादशीको व्रत पनि परेकाले भक्तजनले उपवास, ध्यान र सत्कर्ममा समय बिताइरहेका छन्।

मंगलबारमा निषेधित कार्यहरू
धार्मिक मान्यता अनुसार मंगलबारका दिन केही कामहरू गर्नु वर्जित मानिन्छ। जस्तै –मासु र मदिरा सेवन गर्नुहुँदैन।पंक्षी वा जनावर हत्या नगर्नु।यस्ता कार्यले बुद्धि भ्रमित हुने, क्रोध बढ्ने र आर्थिक नोक्सानी हुने विश्वास गरिन्छ।

गणेश र लड्डुको कथा
पद्मपुराणमा उल्लेख गरिएको कथा अनुसार एक पटक पार्वती देवीले गणेश र कुमार दुवैलाई एक दिव्य लड्डु दिने वचन दिनुभयो। तर शर्त राख्नुभयो–जो सबैभन्दा पहिले तीर्थयात्रा गरेर फर्कन्छ, उसले लड्डु पाउने। कुमारजी मयुरमा चढेर तीर्थ यात्रा गर्न गए, तर गणेशजी आफ्ना माता–पिताको मात्र परिक्रमा गरेर उभिए। पार्वतीले भन्नुभयो–मातापिताको पूजा नै सबै तीर्थ र यज्ञभन्दा ठूलो हो। त्यसपछि गणेशजीलाई त्यो लड्डु प्रदान गरियो। त्यसैले गणेश पूजा गर्दा लड्डु अर्पण गर्नु गहिरो अर्थ बोकेको हुन्छ।

गणेश मन्त्र जाप – ११ शक्तिशाली मन्त्रहरू गणेशजीको कृपा प्राप्त गर्न निम्न मन्त्रहरू जप्न सुझाव दिइन्छः
१. श्री गणेशाय नमः
२. ॐ श्री गणेशाय नमः
३. गं गणपतये नमः
४. ॐ गं गणपतये नमः
५. ॐ गं ॐ गणाधिपतये नमः
६. ॐ सिद्धि विनायकाय नमः
७. ॐ गजाननाय नमः
८. ॐ एकदंताय नमो नमः
९. ॐ लम्बोदराय नमः
१०. ॐ वक्रतुंडाय नमो नमः
११. ॐ गणाध्यक्षाय नमः

गणेशजी – ज्ञान, बुद्धि र सफलता का प्रतीक
‘ग’ को अर्थ बुद्धि र ‘ण’ को अर्थ ज्ञान। यसैले गणेश भगवान बुद्धि, विवेक र सफलता प्रदान गर्ने देवता मानिन्छन्। उनी विघ्नहरता (विघ्न हटाउने) र विनायक (सर्वश्रेष्ठ नेतृत्वकर्ता) को रुपमा पूजिन्छन्।आजको पवित्र दिनमा सबै भक्तजनहरूलाई गणेशजीको कृपा प्राप्त होस् भन्ने कामना।