काठमाडौं । साउन महिना सुरु हुनै लाग्दा बजारमा चहलपहल बढेको छ । साउनमा महिलाहरुले हरियो चुरा, पोते, मेहेन्दी तथा हरिया कपडा लगाउने प्रचलन भएका कारण व्यापार चलायमान भएको छ ।हरित महिनाको आगमनसँगै उपत्यकाको न्युरोड र इन्द्रचोक क्षेत्रका पोते, चुरा, मेहेन्दी र हरिया पहिरनहरू किनमेल गर्न महिलाहरूको भीड देखिन थालेको छ।
.gif)
साउन महिनामा हरियो, पहेँलो र रातो रङका पोते र चुरा लगाउने चलन छ। जुन महिना भोलि बिहीबारदेखि सुरु हुँदै छ । धार्मिक विश्वास अनुसार, हरियो रंगलाई सकारात्मक सोच, ऊर्जा, शीतलता र शान्तिको प्रतीक मानिन्छ। हरियो रंगले प्राकृतिक सौन्दर्यसँग पनि गहिरो सम्बन्ध राख्ने भएकाले महिलाहरू यस महिनामा विशेषरूपमा यस रंगप्रति आकर्षित हुने गर्छन्।
