सिद्धार्थ बैंकको ऋणपत्रमा आवेदन दिने आज असार ३२ गते अन्तिम दिन रहेको छ । बैंकको ऋणपत्रमा आज कार्यालय समयसम्म मात्र आवेदन दिन सकिनेछ ।बैंकले असार २९ गतेबाट २ अर्ब ५० करोड रुपैयाँ बराबरको ऋणपत्र निष्कासन गरेको हो । बैंकले प्रतिइकाई १ हजार रुपैयाँको दरमा २५ लाख इकाई ऋणपत्र जारी गरेको हो । यसमध्ये १५ लाख इकाई बैंकले आफ्नै पहलमा अन्य संघसंस्थालाई बिक्री गरेको हो । बाँकी १० लाख इकाई सर्वसाधारणका लागि खुला गरेको छ ।
.gif)
वार्षिक ७.२५ प्रतिशत ब्याजदर भएको “एसबीएल डिबेन्चर २०९१” को अवधि १० वर्ष रहेको छ ।
ऋणपत्र बिक्रीका लागि एनएमबि क्यापिटललाई निष्कासन तथा बिक्री प्रबन्धक तोकिएको छ । यसमा न्यूनतम २५ इकाईदेखि अधिकतम सम्पुर्ण इकाईसम्म आवेदन दिन सकिनेछ । यस ऋणपत्रमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ ।
