काठमाडौंः मोदी इनर्जी लिमिटेडले शतप्रतिशत हकप्रद शेयर सुरक्षित गर्ने आज (असार ११ गते) अन्तिम दिन रहेको छ ।
.gif)
कम्पनीले वार्षिक साधारणसभा प्रयोजनार्थ भोलि असार १२ गते बुक क्लोज गर्नेछ । त्यसैले आज सम्म कायम शेयरधनी मात्रै सभामा भाग लिन र कम्पनीले जारी गर्ने हकप्रदमा आवेदन दिन योग्य हुनेछन् ।
कम्पनीको विशेष साधारणसभा असार १९ रानी महल ब्याङ्क्वेट, ज्ञानेश्वरमा बिहान ११ बजेदेखि बस्ने गरी बोलाएको छ ।
सभाले हाल कायम रहेको चुक्ता पूँजी २ अर्ब ९० करोड रुपियाँको १ः१ अनुपातमा हकप्रद शेयर निष्कासन गर्ने प्रस्ताव पारित गर्नेछ ।
त्यस्तै हकप्रद शेयर जारीपश्चात् पुँजी वृद्धि हुने भएकाले त्यसको उपयोग गर्ने विषय पनि टुंगो लगाउने, कम्पनीको अधिकृत तथा जारी पुँजी वृद्धि गर्ने र १ जना संस्थापक समूहबाट सञ्चालक नियुक्त गर्ने प्रस्ताव सभाका लागि तय भएका छन् ।
