काठमाडौंः विन नेपाल लघुवित्त वित्तीय संस्था लिमिटेडले आज देखि थप एफपीओ निष्कासन गर्दैछ । लघुवित्तले ५१ लाख २९ हजार २५० रुपैयाँ बराबरको प्रतिकित्ता १०० रुपैयाँ अंकित मूल्यका ५१ हजार २९२.५ कित्ता थप सार्वजनिक निष्कासन (एफपीओ) गर्न लागेको हो ।
.gif)
लघुवित्तले बैंक तथा वित्तीय संस्थासम्बन्धी ऐन, २०७३ को दफा ९ बमोजिम स्वःपुँजी संरचनामा सर्वसाधारणको हिस्सा ३० प्रतिशत कायम गर्न एफपीओ निष्कासन गर्न लागको हो ।
कम्पनीको एफपीओमा लगानीकर्ताले आगामी चैत २६ गतेसम्म आवेदन दिन सक्नेछन् । यस अवधिभित्र माग अनुसार आवेदन नपरे २०८२ धप वैशाख ४ गतेसम्म आवेदन अवधि लम्बिनेछ । एफपीओमा न्यूनतम १० कित्तादेखि अधिकतम १ हजार कित्तासम्म आवेदन दिन सक्नेछन ।
लगानीकर्ताले नेपाल धितोपत्र बोर्डबाट स्वीकृति प्राप्त सी–आस्बा सदस्य बैंक तथा वित्तीय संस्थाहरू तथा सीडीएस एन्ड क्लियरिङ लिमिटेडको ‘मेरो सेयर’ अनलाइन मार्फत आवेदन दिन सक्नेछन् ।
हाल लघुवित्तको चुक्ता पुँजी सात करोड ९२ लाख ११ हजार ३०० रुपैयाँ छ । लघुवित्तको एफपीओ बिक्री प्रबन्धकमा नेपाल एसबीआई मर्चेन्ट बैंकिङ लिमिटेड छ ।
