काठमाडौंः क्रेस्ट माइक्रो लाइफ इन्स्योरेन्स लिमिटेड(CMLI)को आईपीओमा पहिलो दिन नै ३.१७ गुणा बढि शेयर माग भएको छ । बिहीबार नै कम्पनीको आईपीओमा चार लाख ६५ हजार ४८८ आवेदन परेको हो ।
.gif)
इन्स्योरेन्सले आजदेखि सर्वसाधारणका लागि प्राथमिक शेयरमा निष्काशन गरेको हो। सीडिएस एण्ड क्लियरिङ लिमिटेडका अनुसार बिहीबार बेलुकी ५ बजेर ७ मिनेट सम्ममा कम्पनीको आईपीओमा ५८ लाख ५८ हजार ६१० कित्ता शेयरका लागि आवेदन दिइएको छ । कम्पनीको आईपीओमा ५८ करोड ५८ लाख ६१ हजार रूपैयाँ बराबरको शेयर माग भएको हो ।
कम्पनीले १८ करोड ४५ लाख रुपैयाँ बराबरको १८ लाख ४५ हजार कित्ता शेयर सर्वसाधारणका लागि निष्काशन गरेको हो। सो आईपीओमा फागुन २६ गतेसम्म आवेदन दिन सकिनेछ।
कम्पनीको आईपीओमा इच्छुक लगानीकर्ताले प्रतिकित्ता १०० रुपैयाँ अंकित मूल्यमा न्यूनतम १० कित्ताका लागि आवेदन दिनु पर्नेछ। सोभन्दा बढीका लागि अधिकतममा १० हजार कित्ता सम्मका लागि आवेदन दिन सकिनेछ।
