काठमाडौं । साता दोस्रो कारोबार दिन (सोमबार)को प्रिओपन सेसनसँगै सेयर बजार २९ सयको बिन्दुमाथि पुगेको छ । प्रिसेसनमा ९.९४ अंकले बढ्दै नेप्से २९००.२३ को बिन्दुमा उक्लिएको हो ।
.gif)
यो सेसनमा कारोबारमा आएका ६२ कम्पनीको मूल्य बढेको छ भने २५ कम्पनीको मूल्यमा करेक्सन आएको छ । ७ कम्पनीको मूल्य स्थिर रहेको छ ।यो सेसनमा विशेषगरी हाइड्रो, इन्स्योरेन्सलगायत क्षेत्रका कम्पनीको किनबेच भयो ।
सूचकसँगै यो सेसनमा कारोबार रकम पनि उत्साहपूर्ण बृद्धि भएको छ । ३० हजार ९४३ कित्ता सेयर किनबेच हुँदा कारोबार रकम १ करोड ६० लाख ४३ हजार रुपैयाँमाथिको भयो ।कारोबार रकमका आधारमा रिलायबल इन्स्योरेन्स, हिमालय डिष्ट्रिलरी, कुमारी बैंक, हिमालयन बैंकलगायत शीर्ष स्थानमा रहे ।
यसअघि लगातार बृद्धिका बिच साताको पहिलो कारोबार दिन आइतबार ७५.२४ अंकले सेयर बजार बढेको थियो । आइतबार कारोबार रकम पनि १४ अर्बमाथि भएको थियो ।
सोमबारको प्रिओपन सेसनको कारोबारले बजारमा थप उत्साहको अवस्था बनेको संकेत गरेको छ । सोमबार पनि आइतबारकै शैलीमा बजार बढ्नसक्ने सम्भावनालाई दर्शाएको छ ।
