काठमाडौं । एभरेष्ट बैंकले आजदेखि ३ अर्ब रुपैयाँको ऋणपत्र निष्कासन गरेको छ । १० वर्ष अवधिको एभरेष्ट बैंक डिबेन्चर २०९१’ निष्कासन गरेको हो ।
.gif)
बैंकले प्रतिइकाई १ हजार रुपैयाँका दरले ३० लाख इकाई ऋणपत्र निष्कासन गरेको हो । ३० लाख इकाईमध्ये १८ इकाई बैंकले विभिन्न संघ संस्थालाई बिक्री गर्ने जनाएको छ ।
बाँकी १२ लाख इकाई सर्वसाधारणका लागि रहेको छ । यसमध्ये ६० हजार कित्ता ऋणपत्र सामुहिक लगानी कोषका लागि रहेको छ ।ऋणपत्रको वार्षिक ब्याजदर ७.५० प्रतिशत दिने छ । यसको बिक्री प्रबन्धकमा लक्ष्मी सनराइज क्यापिटल रहेको छ । यसमा फागुन २१ गतेसम्म आवेदन दिन सकिने छ ।
उक्त अवधिमा माग अनुसार आवेदन नपरेमा चैत ३ गतेसम्म आवेदन दिन सकिने छ । यसमा न्यूनतम २५ देखि अधिकतम १२ लाख इकाईसम्म आवेदन दिन सकिनेछ । ऋणपत्रमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ ।
