काठमाडौं- गत आर्थिक वर्ष २०८०/८१ मा २ हजार ६५१ किलो सुन आयात भएको छ ।
.gif)
भन्सार विभागले सार्वजनिक गरेको गत आर्थिक वर्षको तथ्यांकअनुसार कुल २३ अर्ब ६५ करोड ३९ लाख रुपैयाँ बराबरको सुन आयात भएको हो ।
गत आर्थिक वर्ष आयात भएको सुन अघिल्लो आर्थिक वर्ष २०७९/८० को तुलनामा परिमाण कम हो भने रकम बढी हो । अघिल्लो आर्थिक वर्षमा २ हजार ९१६ किलो सुन आयात भएको थियो । सो वर्ष २२ अर्ब ३५ करोड ४५ लाख रुपैयाँ बराबरको सुन आयात भएको विभागको तथ्यांक छ ।
सुनको मूल्य बढेकाले गत आर्थिक वर्ष परिमाणमा कम आयात हुँदा पनि खरिदमा बाहिरिएको रकम बढी हुन गएको हो ।
सोमबार तय भएको खुद्रा मूल्यअनुसार नेपाली बजारमा सुन प्रति १० ग्रामको भाउ १ लाख २५ हजार ४३० रुपैयाँ छ । वाणिज्य बैंकहरुले सुन आयात गरी बिक्रेतालाई बिक्री गर्दछन् ।
