काठमाडौं । त्रिभुवन विश्वविद्यालय इन्जिनियरिङ अध्ययन संस्थान (आईओई) को सहायक डीन पदमा उपप्राध्यापक डा. बाबुराम दवाडी नियुक्त भएका छन् ।
.gif)
त्रिवि सङ्गठन तथा शैक्षिक प्रशासन सम्बन्धी नियम तथा सावधिक पदमा नियुक्तिका आधार र मापदण्डसम्बन्धी विनियम, २०८१ अनुसार खुला प्रतिस्पर्धाबाट छनोट समितिले हालै डा. दवाडीलाई उक्त पदमा नियुक्त गरेको हो ।
रिक्त सहायक डीन पदका लागि आवेदन दिएका उम्मेदवारहरूमध्ये प्रारम्भिक छनोटपछि अन्तर्वार्ता प्रक्रियामा समावेश भएका ८ जना उम्मेदवारले कार्ययोजना प्रस्तुति दिएका थिए । अन्तर्वार्ता चरणमा मूल्यांकनपछि कम्प्युटर इन्जिनियरिङ विभागमा कार्यरत डा. दवाडी उत्कृष्ट ठहरिँदै सहायक डीन पदमा नियुक्त भएका हुन् ।
