काठमाडौं । सन् २०२५ सम्मका विश्वका १० धनी देशको सूची सार्वजनिक भएको छ । फोर्ब्सको शीर्ष सूचीमा परेका देशहरु विश्वको नक्सामा निकै साना देखिन्छन् ।

अमेरिका
यो सूचीमा अमेरिका १० औँ स्थानमा रहेको छ । अमेरिकाको जिडिपी २९.१७ ट्रिलियन डलर छ र जनसङ्ख्या ३३.५ करोड छ । अमेरिका विश्वव्यापी महाशक्ति हो । यसको जिडिपी पनि संसारमा सबैभन्दा ठुलो हो तर उच्च जनसङ्ख्याका कारण यो सूचीमा १० औँ स्थानमा छ ।

गुयाना
गुयाना विश्वको नवौँ धनी देश हो। गुयानाको जिडिपी १२३ अर्ब डलर छ र जनसङ्ख्या ८.३१ लाख छ। दक्षिण अमेरिकाको उत्तरी तटमा रहेको एउटा सानो देश गुयाना ऐतिहासिक रुपमा मुख्य भूमि ब्रिटिस वेस्ट इन्डिजको हिस्सा मानिन्छ र यो राष्ट्र मण्डल क्यारिबियनको अंश पनि हो । यो एक मात्र मुख्य भूमि दक्षिण अमेरिकी देश हो जहाँ अंग्रेजी आधिकारिक भाषा हो। गुयानाको आर्थिक वृद्धि कच्चा तेलको खोजी सन् २०१५ मा सुरु भयो । गुयानाको तटमा २०१७ यता ११ अरब ब्यारेलभन्दा बढी तेल भण्डारको खोज सन् १९७० पछिको विश्वव्यापी तेल भण्डारमा सबैभन्दा ठुलो वृद्धि हो ।

ब्रुनाई दारुसलाम
ब्रुनाई दारुसलाम विश्वको आठौँ धनी देश हो । ब्रुनाई दारुसलामको जिडिपी १५.७१ ट्रिलियन डलर छ र जनसङ्ख्या ४.५८ लाख छ। ब्रुनाई दारुसलाम दक्षिण पूर्व एसियाको बोर्नियो टापुमा रहेको एउटा सानो, समृद्ध देश हो। यो मलेसिया र दक्षिण चीन सागरको सिमानामा रहेको छ । तेल र प्राकृतिक ग्यासको धनी भण्डारका लागि परिचित ब्रुनाईमा दक्षिण पूर्वी एसियाली देशहरूमध्ये दोस्रो उच्च मानव विकास सूचकांक छ । यो देश इस्लामिक राजतन्त्र हो, जसमा सुल्तान हसनल बोल्कियाह, विश्वको सबैभन्दा लामो शासन गर्ने र धनी राजाहरु मध्ये एक हुन् ।

स्विट्जरल्यान्ड
स्विट्जरल्यान्ड विश्वको सातौँ धनी देश हो। स्विट्जरल्यान्डको जिडिपी ९४२.२७ अर्ब डलर छ र जनसङ्ख्या ८०.९ लाख छ । विश्वव्यापी रुपमा सबैभन्दा ठुलो पर्यटक आकर्षणहरुमध्ये एक स्विट्जरल्यान्डमा ठुलो वित्तीय क्षेत्र छ। देशले बहुमूल्य धातुहरु, सटीक उपकरणहरु र कम्प्युटरहरु र चिकित्सा उपकरणहरुजस्ता मेसिनरीहरुको निर्यातबाट पनि फाइदा लिन्छ। स्विस जिडिपीको करिब ७४ प्रतिशत सेवा क्षेत्र र २५ प्रतिशत उद्योगबाट आउँछ । जब कि एक प्रतिशतभन्दा कम कृषि क्षेत्रबाट आउँछ। स्विट्जरल्यान्डमा युरोपमा सबैभन्दा कम कर दर छ।

नर्वे
नर्वे विश्वको छैटौँ धनी देश हो । नर्वेको जिडिपी ५०३.७५ अर्ब डलर छ भने जनसङ्ख्या ५०.५१ लाख छ । नर्वे फेरि पश्चिमी युरोपेली क्षेत्रहरुमा एक शीर्ष पेट्रोलियम प्रदायक हो । कोभिड–१९ का कारण अर्थतन्त्र धराशायी भएपछि मुलुकले राम्रो आर्थिक प्रगति गरेको छ । नर्वेसँग १.३ ट्रिलियन डलरको सार्वभौम सम्पत्ति कोष छ । जुन संसारमा यसको प्रकारको सबैभन्दा ठुलो हो ।

कतार
कतार विश्वको पाँचौँ धनी राष्ट्र हो । कतारको जिडिपी २२१.४१ अर्ब डलर छ र जनसङ्ख्या ३०.०७ लाख छ । कतार र (युएई पनि)२०२५ को लागि प्रतिव्यक्ति जिडिपीका आधारमा शीर्ष १० अर्थतन्त्रहरुको सूचीमा रहेको छ । यसको प्राकृतिक स्रोत भण्डारबाट ठुलो मात्रामा लाभ उठाउँदै । कतारसँग विश्वको तेस्रो ठुलो ग्यास भण्डार छ । कतारको तेल र प्राकृतिक ग्यासको भण्डार यसको जनसंख्याको तुलनामा धेरै ठुलो छ, जसले धनी देशहरुमा यसको उच्च स्थानमा योगदान पुर्याउँछ ।

आयरल्यान्ड
आयरल्यान्ड विश्वको चौथो धनी देश हो। आयरल्यान्डको जिडिपी ५६०.५७ अर्ब डलर छ र जनसङ्ख्या ५२ लाख छ । आयरल्यान्डले सन् २००८ वित्तीय संकटपछि आफ्नो बैङ्किङ उद्योग सुधार गर्न ठुलो प्रयास गर्‍यो। यसले आफ्नो अर्थतन्त्रलाई आजको अवस्थामा पुर्‍याउन सार्वजनिक क्षेत्रको तलब कटौतीजस्ता उपाय प्रस्तुत गर्‍यो । यसबाहेक आयरल्यान्ड विश्वको सबैभन्दा ठुलो कर्पोरेट कर आश्रयस्थलहरुमध्ये एक हो । बहुराष्ट्रिय कम्पनीहरु (जस्तै एप्पल, गुगल र माइक्रोसफ्ट( ले हालैका वर्षहरूमा आयरिस अर्थतन्त्रको ५० प्रतिशतभन्दा बढी हिस्सा ओगटेको छ ।

मकाउ एसएआर
चीनको विशेष प्रशासनिक क्षेत्र मकाउ एसएआर विश्वको तेस्रो धनी देश हो । मकाउ एसएआरको जिडिपी ५३.४५ अर्ब छ । जब कि जनसङ्ख्या ७.२ लाख छ । यसको सम्पत्तिहरु मुख्यतया यसको ४० भन्दा बढी क्यासिनोहरुबाट आउँछन् । यी क्यासिनोहरुका कारण विश्वभरबाट ठुलो संख्यामा पर्यटकहरु मकाउ आउँछन् । मकाउ एसियाको पहिलो र अन्तिम युरोपेली उपनिवेश थियो ।

सिंगापुर
सिंगापुर विश्वको दोस्रो धनी देश हो। सिंगापुरको जिडिपी ५३०.७१ अर्ब डलर र जनसङ्ख्या ५९.८ लाख छ । सिंगापुर विश्वको सबैभन्दा ठुलो व्यापार र व्यापार केन्द्र हो । संसारका धेरै धनीहरु यही देशमा बस्छन् ।

लक्जमबर्ग
लक्जमबर्ग संसारको सबैभन्दा धनी देश हो । यो फोर्ब्सको सन् २०२५ मा विश्वका धनी देशहरुको सूचीमा शीर्ष स्थानमा छ । लक्जमबर्गको जिडिपी ९१.२१ अर्ब छ र जनसङ्ख्या ६.७५ लाख छ । यो देशले आफ्नो सम्पत्ति आफ्नो जनताको जीवनस्तर, स्वास्थ्य सेवा र शिक्षा सुनिश्चित गर्न प्रयोग गर्छ। यसबाहेक लक्जमबर्ग विश्वको शीर्ष पर्यटक गन्तव्यमध्ये एक हो ।