वासिङ्टन डिसी । अमेरिकी राष्ट्रपति डोनाल्ड ट्रम्पले फेब्रुअरी १ देखि चीनमा बनेका सामानमा १० प्रतिशतको अतिरिक्त महसुल लगाउने योजना बनाएका छन् ।
.gif)
ह्वाइट हाउसमा पत्रकारहरूलाई सम्बोधन गर्ने क्रममा उनले यस्तो अभिव्यक्ति दिएका हुन् । यो कदमलाई सही ठहर्याउन उनले चीनले मेक्सिको र क्यानडा हुँदै फेन्टालिन नामक लागू औषध अमेरिका पठाइरहेको सन्दर्भलाई झिकेका थिए ।
ट्रम्पले पदभार सम्हालेकै दिनमा मेक्सिको र क्यानडाबाट आउने सामानमा २५ प्रतिशत अतिरिक्त कर लगाउने चेतावनी दिएका थिए ।
त्यसको भोलिपल्ट चीनलाई यो चेतावनी दिइएको हो । अमेरिकाको नाम उल्लेख नगरीकन चिनियाँ उपप्रधानमन्त्रीले आफ्नो देशले व्यापार तनावमा दुबैलाई लागि जित–जितको अवस्था खोजिरहेको र आयात बढाउन चाहेको भनेका थिए ।
आफ्नो चुनावी अभियानयता नै ट्रम्पले चीन, मेक्सिको र क्यानडामाथि अतिरिक्त महसुल लगाउने चेतावनी दिँदै आएका थिए ।
