काठमाडौं ।भन्सार छलीका सामग्रीमा कडाइ गरेपछि चालु आर्थिक वर्षको पाँच महिनामा भन्सार छली गरेर ल्याइएका विभिन्न सामग्रीबाट मधेश प्रदेश प्रहरीले ६१ करोड राजस्व संकलन गरेको छ । प्रदेश प्रहरी कार्यालयका अनुसार चालु आर्थिक वर्ष २०८१/८२ को पाँच महिनामा भन्सार छली चोरी निकासी गर्नेहरूबाट ६० करोड ७२ लाख रुपैयाँ संकलन भएको हो ।
.gif)
वीरगञ्जबाट सबैभन्दा बढी भन्सार छलीको सामग्री भित्रिएको मधेश प्रदेश प्रहरीको तथ्यांकले देखाएको छ । प्रदेश प्रहरी कार्यालयका सूचना अधिकारी तथा प्रहरी उपरीक्षक सुवासचन्द्र बोहोराका अनुसार चालु आर्थिक वर्षको पाँच महिनामा सबैभन्दा बढी पर्साबाट भन्सार छली गरेर भित्रिएको सामग्रीबाट २९ करोड ८६ लाख ६५ हजार बराबर राजस्व संकलन भएको छ ।
त्यस्तै धनुषाबाट ४ करोड ६९ लाख ८४ हजार, सिरहाबाट ८५ लाख ४४ हजार र सप्तरीबाट ८७ लाख ८४ हजार रुपैयाँ राजस्व संकलन भएको बोहराले बताए । त्यस्तै, बाराबाट १४ करोड ८६ लाख ७५ हजार, रौतहटबाट एक करोड ६८ लाख ४५ हजार रुपैयाँ राजस्व संकलन भएको छ । बोहोराका अनुसार सर्लाहीबाट ६ करोड १० लाख २८ हजार, महोतरीबाट एक करोड ७६ लाख ८२ हजार रुपैयाँ राजस्व संकलन भएको हो ।
